انہوں نے کہا کیا ( واقعی ) تو ہی یوسف ( علیہ السلام ) ہے جواب دیا کہ ہاں میں یوسف ( علیہ السلام ) ہوں اور یہ میرا بھائی ہے اللہ نے ہم پر فضل و کرم کیا بات یہ ہے کہ جو بھی پرہیز گاری اور صبر کرے تو اللہ تعالٰی کسی نیکوکار کا اجر ضائع نہیں کرتا ۔
They said, "Are you indeed Joseph?" He said "I am Joseph, and this is my brother. Allah has certainly favored us. Indeed, he who fears Allah and is patient, then indeed, Allah does not allow to be lost the reward of those who do good."
Unhon ney kaha kiya ( waqaee ) tu hi yousuf ( alh-e-salam ) hai. Jawab diya kay haan mein yousuf ( alh-e-salam ) hun aur yeh mera bhai hai. Allah ney hum per fazal-o-karam kiya. Baat yeh hai kay jo bhi perhezgari aur sabar keray to Allah Taalaa kissi neko kaar ka ajar zaya nahi kerta.
۔ ( اس پر ) وہ بول اٹھے : ارے کیا تم ہی یوسف ہو؟ ( ٥٦ ) یوسف نے کہا : میں یوسف ہوں ، اور یہ میرا بھائی ہے ۔ اللہ نے ہم پر بڑا احسان فرمایا ہے ۔ حقیقت یہ ہے کہ جو شخص تقوی اور صبر سے کام لیتا ہے ، تو اللہ نیکی کرنے والوں کا اجر ضائع نہیں کرتا ۔
بولے کیا سچ مچ آپ ہی یوسف ہیں ، کہا میں یوسف ہوں اور یہ میرا بھائی ، بیشک اللہ نے ہم پر احسان کیا ( ف۲۰۵ ) بیشک جو پرہیزگاری اور صبر کرے تو اللہ نیکوں کا نیگ ( اجر ) ضائع نہیں کرتا ( ف۲۰٦ )
“ وہ چونک کر بولے” ہائیں ! کیا تم یوسف ( علیہ السلام ) ہو؟ “ اس نے کہا ” ہاں ، میں یوسف ہوں اور یہ میرا بھائی ہے ۔ اللہ نے ہم پر احسان فرمایا ۔ حقیقت یہ ہے کہ اگر کوئی تقوٰی اور صبر سے کام لے تو اللہ کے ہاں ایسے نیک لوگوں کا اجر مارا نہیں جاتا ۔
وہ بولے: کیا واقعی تم ہی یوسف ہو؟ انہوں نے فرمایا: ( ہاں ) میں یوسف ہوں اور یہ میرا بھائی ہے بیشک اﷲ نے ہم پر احسان فرمایا ہے ، یقیناً جو شخص اﷲ سے ڈرتا اور صبر کرتا ہے تو بیشک اﷲ نیکوکاروں کا اجر ضائع نہیں کرتا
