سورة یٰسٓ حاشیہ نمبر :52
اس کے دو مفہوم ہو سکتے ہیں ۔ ایک یہ کہ مومنین صالحین سے الگ ہو جاؤ ، کیونکہ دنیا میں چاہے تم ان کی قوم اور ان کے کنبے اور برادری کے لوگ رہے ہو ، مگر یہاں اب تمہارا ان کا کوئی رشتہ باقی نہیں ہے ۔ اور دوسرا مفہوم یہ کہ تم آپس میں الگ الگ ہو جاؤ ۔ اب تمہارا کوئی جتھا قائم نہیں رہ سکتا ۔ تمہاری سب پارٹیاں توڑ دی گئیں ۔ تمہارے تمام رشتے اور تعلقات کاٹ دیے گئے ۔ تم میں سے ایک ایک شخص کو اب تنہا اپنی ذاتی حیثیت میں اپنے اعمال کی جواب دہی کرنی ہو گی ۔