يٰۤـاَيُّهَا الَّذِيۡنَ اٰمَنُوا اصۡبِرُوۡا وَصَابِرُوۡا وَرَابِطُوۡا وَاتَّقُوا اللّٰهَ لَعَلَّكُمۡ تُفۡلِحُوۡنَ ﴿200﴾
اے ایمان والو! تم ثابت قدم رہو اور ایک دوسرے کو تھامے رکھو اور جہاد کے لئے تیار رہو اور اللہ تعالیٰ سے ڈرتے رہو تاکہ تم مُراد کو پہنچو ۔
يايها الذين امنوا اصبروا و صابروا و رابطوا و اتقوا الله لعلكم تفلحون
O you who have believed, persevere and endure and remain stationed and fear Allah that you may be successful.
Aey eman walo! Tum sabit qadam raho aur aik doosray ko thamay rakho aur jihad kay liye tayyar raho aur Allah Taalaa say dartay raho takay tum murad ko phoncho.
اے ایمان والو ! صبر اختیار کرو ، مقابلے کے وقت ثابت قدمی دکھاؤ ، اور سرحدوں کی حفاظت کے لیے جمے رہو ۔ ( ٦٤ ) اور اللہ سے ڈرتے رہو ، تاکہ تمہیں فلاح نصیب ہو ۔
اے ایمان والو! صبر کرو ( ف۳۹۰ ) اور صبر میں دشمنوں سے آگے رہو اور سرحد پر اسلامی ملک کی نگہبانی کرو اور اللہ سے ڈرتے رہو اس امید پر کہ کامیاب ہو ،
اے لوگو جو ایمان لائے ہو ، صبر سے کام لو ، باطل پرستوں کے مقابلہ میں پامردی دکھاؤ ، 141 حق کی خدمت کے لیے کمر بستہ رہو ، اور اللہ سے ڈرتے رہو ، امید ہے کہ فلاح پاؤ گے ۔ ؏۲۰
اے ایمان والو! صبر کرو اور ثابت قدمی میں ( دشمن سے بھی ) زیادہ محنت کرو اور ( جہاد کے لئے ) خوب مستعد رہو ، اور ( ہمیشہ ) اللہ کا تقوٰی قائم رکھو تاکہ تم کامیاب ہو سکو
سورة اٰلِ عِمْرٰن حاشیہ نمبر :141
اصل عربی متن میں صَابِرُوْا کا لفظ آیا ہے ۔ اس کے دو معنی ہیں ۔ ایک یہ کہ کفار اپنے کفر پر جو مضبوطی دکھا رہے ہیں اور اس کو سربلند رکھنے کے لیے جو زحمتیں اٹھارہے ہیں تم ان کے مقابلے میں ان سے بڑھ کر پامردی دکھاؤ ۔ دوسرے یہ کہ ان کے مقابلہ میں ایک دوسرے سے بڑھ کر پامردی دکھاؤ ۔
