Inn dono firqon ki misal andhay behray aur dekhney sunnay walay jaisi hai. Kiya yeh dono misal mein barabar hain? Kiya phir bhi tum naseehat hasil nahi kertay?
ان دو گروہوں کی مثال ایسی ہے جیسے ایک اندھا اور بہرا ہو ، اور دوسرا دیکھتا بھی ہو ، سنتا بھی ہو ۔ کیا یہ دونوں اپنے حالات میں برابر ہوسکتے ہیں؟ کیا پھر بھی تم عبرت حاصل نہیں کرتے ؟
دونوں فریق ( ف٤۹ ) کا حال ایسا ہے جیسے ایک اندھا اور بہرا اور دوسرا دیکھتا اور سنتا ( ف۵۰ ) کيا ان دونوں حال کا ايک سا ہے ( ف۱۵ ) تو کياتم دہيان نہيں کرتے
اِن دونوں فریقوں کی مثال ایسی ہے جیسے ایک آدمی تو ہو اندھا بہرا اور دوسرا ہو دیکھنے اور سننے والا ، کیا یہ دونوں یکساں ہو سکتے ہیں؟ 28 کیا تم ﴿ اس مثال سے﴾ کوئی سبق نہیں لیتے؟ ؏۲
۔ ( کافر و مسلم ) دونوں فریقوں کی مثال اندھے اور بہرے اور ( اس کے برعکس ) دیکھنے والے اور سننے والے کی سی ہے ۔ کیا دونوں کا حال برابر ہے؟ کیا تم پھر ( بھی ) نصیحت قبول نہیں کرتے
سورة هُوْد حاشیہ نمبر :28
یعنی کیا ان دونوں کا طرز عمل اور آخرکار دونوں کا انجام یکساں ہو سکتا ہے ؟ ظاہر ہے کہ جو شخص نہ خود راستہ دیکھتا ہے اور نہ کسی ایسے شخص کی بات ہی سنتا ہے جو اسے راستہ بتا رہا ہو وہ ضرور کہیں ٹھوکر کھائے گا اور کہیں کسی سخت حادثہ سے دوچار ہوگا ۔ بخلاف اس کے جو شخص خود بھی راستہ دیکھ رہا ہو اور کسی واقف راہ کی ہدایات سے بھی فائدہ اٹھاتا ہو وہ ضرور اپنی منزل پر بسلامت پہنچ جائے گا ۔ بس یہی فرق ان لوگوں کے درمیان بھی ہے جن میں سے ایک اپنی آنکھوں سے بھی کائنات میں حقیقت کی نشانیوں کا مشاہدہ کرتا ہے اور خدا کے بھیجے ہوئے رہنماؤں کی بات بھی سنتا ہے ، اور دوسرا نہ خود ہِیے کی آنکھیں کھلی رکھتا ہے کہ خدا کی نشانیاں اسے نظر آئیں اور نہ پیغمبروں کی بات ہی سن کر دیتا ہے ۔ کیونکر ممکن ہے کہ زندگی میں ان دونوں کا طرز عمل یکساں ہو؟ اور پھر کیا وجہ ہے کہ آخرکار ان کے انجام میں فرق نہ ہو؟
