وہ کشتی انہیں پہاڑوں جیسی موجوں میں لے کر جا رہی تھی اور نوح ( علیہ السلام ) نے اپنے لڑکے کو جو ایک کنارے پر تھا ، پکار کر کہا کہ اے میرے پیارے بچے ہمارے ساتھ سوار ہو جا اور کافروں میں شامل نہ رہ ۔
And it sailed with them through waves like mountains, and Noah called to his son who was apart [from them], "O my son, come aboard with us and be not with the disbelievers."
اور وہ کشتی پہاڑوں جیسی موجوں کے درمیان چلی جاتی تھی ۔ اور نوح نے اپنے اس بیٹے کو جو سب سے الگ تھا ، آواز دی کہ : بیٹے ! ہمارے ساتھ سوار ہوجاؤ ، اور کافروں کے ساتھ نہ رہو ۔ ( ٢٣ )
اور وہی انھیں لیے جارہی ہے ایسی موجوں میں جیسے پہاڑ ( ف۹۱ ) اور نوح نے اپنے بیٹے کو پکارا اور وہ اس سے کنارے تھا ( ف۹۲ ) اے میرے بچے ہمارے ساتھ سوار ہوجا اور کافروں کے ساتھ نہ ہو ( ف۹۳ )
کشتی ان لوگوں کو لیے چلی جا رہی تھی اور ایک ایک موج پہاڑ کی طرح اٹھ رہی تھی ۔ نوح کا بیٹا دور فاصلے پر تھا ۔ نوح نے پکار کر کہا بیٹا ، ہمارے ساتھ سوار ہو جاؤ ، کافروں کے ساتھ نہ رہ ۔
اور وہ کشتی پہاڑوں جیسی ( طوفانی ) لہروں میں انہیں لئے چلتی جا رہی تھی کہ نوح ( علیہ السلام ) نے اپنے بیٹے کو پکارا اور وہ ان سے الگ ( کافروں کے ساتھ کھڑا ) تھا: اے میرے بیٹے! ہمارے ساتھ سوار ہوجا اور کافروں کے ساتھ نہ رہ
