Dar-haqeeqat na to khud unhen iss ka ilm hai na unn kay baap dadon ko. Yeh tohmat bari buri hai jo inn kay mun say nikal rahi hai woh nira jhoot bak rahey hain.
اس بات کا کوئی علمی ثبوت نہ خود ان کے پاس ہے ، نہ ان کے باپ دادوں کے پاس تھا ۔ بڑی سنگین بات ہے جو ان کے منہ سے نکل رہی ہے ۔ جو کچھ وہ کہہ رہے ہیں ، وہ جھوٹ کے سوا کچھ نہیں ۔
نہ اس کا کوئی علم انہیں ہے اور نہ ان کے باپ دادا کو تھا ، ( یہ ) کتنا بڑا بول ہے جو ان کے منہ سے نکل رہا ہے ، وہ ( سراسر ) جھوٹ کے سوا کچھ کہتے ہی نہیں
سورة الْكَهْف حاشیہ نمبر :3
یعنی ان کا یہ قول کہ فلاں خدا کا بیٹا ہے ، یا فلاں کو خدا نے بیٹا بنا لیا ہے ، کچھ اس بنیاد پر نہیں ہے کہ ان کو خدا کے ہاں اولاد ہونے یا خدا کے کسی کو متبنیٰ بنانے کا علم ہے ، بلکہ محض اپنی عقیدت مندی کے غلو میں وہ ایک من مانا حکم لگا بیٹھے ہیں اور ان کو کچھ احساس نہیں ہے کہ وہ کیسی سخت گمراہی کی بات کہہ رہے ہیں اور کتنی بڑی گستاخی اور افترا پردازی ہے جو اللہ رب العالمین کی جناب میں ان سے سرزد ہو رہی ہے ۔
