Quran - Al-Anbiya' - الأنبياء - Ayat 2 Alfaaz Community

Al-Anbiya' - الأنبياء

The Prophets

<< Previous ayat

Next ayat >>

مَا يَاۡتِيۡهِمۡ مِّنۡ ذِكۡرٍ مِّنۡ رَّبِّہِمۡ مُّحۡدَثٍ اِلَّا اسۡتَمَعُوۡهُ وَهُمۡ يَلۡعَبُوۡنَۙ‏ ﴿2﴾

ان کے پاس ان کے رب کی طرف سے جو بھی نئی نئی نصیحت آتی ہے اسے وہ کھیل کود میں ہی سنتے ہیں ۔

Arabic simple

ما ياتيهم من ذكر من ربهم محدث الا استمعوه و هم يلعبون

English translation

No mention comes to them anew from their Lord except that they listen to it while they are at play

Roman urdu

Inn kay pass inn kay rab ki taraf say jo bhi naee naee naseehat aati hai issay woh khel kood mein hi suntay hain.

Translation Taqi Usmani

جب کبھی ان کے پروردگار کی طرف سے نصیحت کی کوئی نئی بات ان کے پاس آتی ہے تو وہ اسے مذاق بنا بنا کر اس حالت میں سنتے ہیں ۔

Translation Kanzul Iman

جب ان کے رب کے پاس سے انھیں کوئی نئی نصیحت آتی ہے تو اسے نہیں سنتے مگر کھیلتے ہوئے ، ( ف۳ )

Translation Abul A'la Maududi

ان کے پاس جو تازہ نصیحت بھی ان کے رب کی طرف سے آتی ہے 3 اس کو بہ تکلف سنتے ہیں اور کھیل میں پڑے رہتے ہیں ، 4

Translation Tahir ul Qadri

ان کے پاس ان کے رب کی جانب سے جب بھی کوئی نئی نصیحت آتی ہے تو وہ اسے یوں ( بے پرواہی سے ) سنتے ہیں گویا وہ کھیل کود میں لگے ہوئے ہیں

سورة الْاَنْبِیَآء حاشیہ نمبر :3 یعنی قرآن کی ہر نئی سورت جو محمد صلی اللہ علیہ وسلم پر نازل ہوتی ہے اور انہیں سنائی جاتی ہے ۔ سورة الْاَنْبِیَآء حاشیہ نمبر :4 وَھُمْ یَلْعَبُوْنَ کے دو مطلب ہو سکتے ہیں ۔ ایک وہ جو اوپر ترجمہ میں اختیار کیا گیا ہے اور اس میں کھیل سے مراد یہی زندگی ہے جسے خدا اور آخرت سے غافل لوگ کھیل رہے ہیں ۔ دوسرا مطلب یہ ہے کہ وہ اسے سنجیدگی کے ساتھ نہیں سنتے بلکہ کھیل اور مذاق کے طور پر سنتے ہیں ۔