سورة الْمُؤْمِنُوْن حاشیہ نمبر :47
تمہاری امت ایک ہی امت ہے یعنی تم ایک ہی گروہ کے لوگ ہو ۔ امت کا لفظ اس مجموعہ افراد پر بولا جاتا ہے جو کسی اصل مشترک پر جمع ہو ۔ انبیاء چونکہ اختلاف زمانہ و مقام کے باوجود ایک عقیدے ، ایک دین اور ایک دعوت پر جمع تھے ، اس لیے فرمایا گیا کہ ان سب کی ایک ہی امت ہے ۔ بعد کا فقرہ خود بتا رہا ہے کہ وہ اصل مشترک کیا تھی جس پر سب انبیاء جمع تھے ۔ ( مزید تشریح کے لیے ملاحظہ ہو البقرہ ، آیات 130 تا 133 ۔ 213 ۔ آل عمران ، 19 ۔ 20 ۔ 23 ۔ 34 ۔ 64 ۔ 79 تا 85 ۔ النساء ، 1550 تا 152 ۔ الاعراف 59 ۔ 65 ۔ 73 ۔ 85 ۔ یوسف 37 تا 40 ۔ مریم ، 49 تا 59 ۔ الانبیاء 71 تا 93 ۔
