۔ ( موسٰی علیہ السلام نے ) فرمایا: ( وہ ) جملہ آسمانوں کا اور زمین کا اور اُس ( ساری کائنات ) کا رب ہے جو ان دونوں کے درمیان ہے اگر تم یقین کرنے والے ہو
سورة الشُّعَرَآء حاشیہ نمبر :21
یعنی میں زمین پر بسنے والے کسی مخلوق اور فانی مدعی ملوکیت کی طرف سے نہیں آیا ہوں ، بلکہ اس کی طرف سے آیا ہوں جو آسمان و زمین کا مالک ہے ۔ اگر تم اس بات کا یقین رکھتے ہو کہ اس کائنات کا کوئی خالق اور مالک و فرمانروا ہے تو تمہیں یہ سمجھنے میں کوئی زحمت نہیں ہونی چاہیے کہ سارے جہاں والوں کا رب کون ہے ۔
