Surah

Information

Surah # 3 | Verses: 200 | Ruku: 20 | Sajdah: 0 | Chronological # 89 | Classification: Madinan
Revelation location & period: Madina phase (622 - 632 AD)
هُوَ الَّذِىۡ يُصَوِّرُكُمۡ فِى الۡاَرۡحَامِ كَيۡفَ يَشَآءُ ‌ؕ لَاۤ اِلٰهَ اِلَّا هُوَ الۡعَزِيۡزُ الۡحَكِيۡمُ‏ ﴿6﴾
وہ ماں کے پیٹ میں تمہاری صورتیں جس طرح کی چاہتا ہے بناتا ہے اس کے سوا کوئی معبود برحق نہیں وہ غالب ہے حکمت والا ہے ۔
هو الذي يصوركم في الارحام كيف يشاء لا اله الا هو العزيز الحكيم
It is He who forms you in the wombs however He wills. There is no deity except Him, the Exalted in Might, the Wise.
Woh maa kay pet mein tumhari soorten jiss tarah ki chahta hai banata hai. Uss kay siwa koi mabood-e-bar haq nahi woh ghalib hai hikmat wala hai.
وہی ہے جو ماؤں کے پیٹ میں جس طرح چاہتا ہے تمہاری صورتیں بناتا ہے ، اس کے سوا کوئی معبود نہیں ، وہ زبردست اقتدار کا بھی مالک ہے ، اعلی درجے کی حکمت کا بھی ( ٢ )
وہی ہے کہ تمہاری تصویر بناتا ہے ماؤں کے پیٹ میں جیسی چاہے ( ف٤ ) اس کے سوا کسی کی عبادت نہیں عزت والا حکمت والا ( ف۵ )
وہی تو ہے جو تمہاری ماؤں کے پیٹ میں تمہاری صورتیں ، جیسی چاہتا ہے ، بناتا ہے ۔ 4 اس زبردست حکمت والے کے سوا کوئی اور خدا نہیں ہے ۔
وہی ہے جو ( ماؤں کے ) رحموں میں تمہاری صورتیں جس طرح چاہتا ہے بناتا ہے ، اس کے سوا کوئی لائقِ پرستش نہیں ( وہ ) بڑا غالب بڑی حکمت والا ہے
سورة اٰلِ عِمْرٰن حاشیہ نمبر :4 اس میں دو اہم حقیقتوں کی طرف اشارہ ہے: ایک یہ کہ تمہاری فطرت کو جیسا وہ جانتا ہے ، نہ کوئی دوسرا جان سکتا ہے ، نہ تم خود جان سکتے ہو ۔ لہٰذا اس کی رہنمائی پر اعتماد کیے بغیر تمہارے لیے کوئی چارہ نہیں ہے ۔ دوسرے یہ کہ جس نے تمہارے استقرار حمل سے لے کر بعد کے مراحل تک ہر موقع پر تمہاری چھوٹی سے چھوٹی ضرورتوں تک کو پورا کرنے کا اہتمام کیا ، کس طرح ممکن تھا کہ وہ دنیا میں تمہاری ہدایت و رہنمائی کا انتظام نہ کرتا ، حالانکہ تم سب سے بڑھ کر اگر کسی چیز کے محتاج ہو ، تو وہ یہی ہے ۔