Quran - An-Naml - النمل - Ayat 80 Alfaaz Community

An-Naml - النمل

The Ants

<< Previous ayat

Next ayat >>

اِنَّكَ لَا تُسۡمِعُ الۡمَوۡتٰى وَلَا تُسۡمِعُ الصُّمَّ الدُّعَآءَ اِذَا وَلَّوۡا مُدۡبِرِيۡنَ‏ ﴿80﴾

بیشک آپ نہ مردوں کو سنا سکتے ہیں اور نہ بہروں کو اپنی پکار سنا سکتے ہیں جبکہ وہ پیٹھ پھیرے روگرداں جا رہے ہوں ۔

Arabic simple

انك لا تسمع الموتى و لا تسمع الصم الدعاء اذا ولوا مدبرين

English translation

Indeed, you will not make the dead hear, nor will you make the deaf hear the call when they have turned their backs retreating.

Roman urdu

Be-shak aap murdon ko nahi suna saktay hain aur na behron ko apni pukar suna saktay hain jabkay woh peeth pheray roo gardaan ja rahey hon.

Translation Taqi Usmani

یاد رکھو کہ تم مردوں کو اپنی بات نہیں سنا سکتے ، اور نہ تم بہروں کو اپنی پکار سنا سکتے ہو ، جب وہ پیٹھ پھیر کر چل کھڑے ہوں ۔

Translation Kanzul Iman

بیشک تمہارے سنائے نہیں سنتے مردے ( ف۱۳۳ ) اور نہ تمہارے سنائے بہرے پکار سنیں جب پھریں پیٹھ دے کر ( ف۱۳٤ )

Translation Abul A'la Maududi

تم مردوں کو نہیں سنا سکتے ، 97 نہ ان بہروں تک اپنی پکار پہنچا سکتے ہو جو پیٹھ پھیر کر بھاگے جا رہے ہوں ، 98

Translation Tahir ul Qadri

۔ ( اے حبیب! ) بے شک آپ نہ تو ان مردوں ( یعنی حیات ایمانی سے محروم کافروں ) کو اپنی پکار سناتے ہیں اور نہ ہی ( صدائے حق کی سماعت سے محروم ) بہروں کو ، جب کہ وہ ( آپ ہی سے ) پیٹھ پھیرے جا رہے ہوں٭

سورة النمل حاشیہ نمبر : 97 یعنی ایسے لوگوں کو جن کے ضمیر مرچکے ہیں اور جن میں ضد اور ہٹ دھرمی اور رسم پرستی نے حق و باطل کا فرق سمجھنے کی کوئی صلاحیت باقی نہیں چھوڑی ہے ۔ سورة النمل حاشیہ نمبر : 98 یعنی جو تمہاری بات کے لیے صرف اپنے کان بند کرلینے پر ہی اکتفا نہیں کرتے بلکہ اس جگہ سے کترا کر نکل جاتے ہیں ، جہاں انہیں اندیشہ ہوتا ہے کہ کہیں تمہاری بات ان کے کان میں نہ پڑ جائے ۔