Quran - Fussilat - فصلت - Ayat 41 Alfaaz Community

Fussilat - فصلت

Expounded

<< Previous ayat

Next ayat >>

اِنَّ الَّذِيۡنَ كَفَرُوۡا بِالذِّكۡرِ لَمَّا جَآءَهُمۡ‌ۚ وَاِنَّهٗ لَـكِتٰبٌ عَزِيۡزٌۙ‏ ﴿41﴾

جن لوگوں نے اپنے پاس قرآن پہنچ جانے کے باوجود اس سے کفر کیا ، ( وہ بھی ہم سے پوشیدہ نہیں ) یہ بڑی با وقعت کتاب ہے ۔

Arabic simple

ان الذين كفروا بالذكر لما جاءهم و انه لكتب عزيز

English translation

Indeed, those who disbelieve in the message after it has come to them... And indeed, it is a mighty Book.

Roman urdu

Jinn logon ney apnay pass quran phonch janey kay bawajood uss say kufur kiya ( woh bhi hum say posheedah nahi ) yeh bari ba-wuqa’at kitab hai.

Translation Taqi Usmani

بیشک ( ان لوگوں نے بہت برا کیا ہے ) جنہوں نے نصیحت کی اس کتاب کا انکار کیا جبکہ وہ ان کے پاس آچکی تھی ، حالانکہ وہ بڑی عزت والی کتاب ہے

Translation Kanzul Iman

بیشک جو ذکر سے منکر ہوئے ( ف۹۵ ) جب وہ ان کے پاس آیا ان کی خرابی کا کچھ حال نہ پوچھ ، اور بیشک وہ عزت والی کتاب ہے ( ف۹٦ )

Translation Abul A'la Maududi

یہ وہ لوگ ہیں جن کے سامنے کلام نصیحت آیا تو انہوں نے اسے ماننے سے انکار کر دیا ۔ مگر حقیقت یہ ہے کہ یہ ایک زبردست کتاب ہے 51 ،

Translation Tahir ul Qadri

بے شک جنہوں نے قرآن کے ساتھ کفر کیا جبکہ وہ اُن کے پاس آچکا تھا ( تویہ اُن کی بد نصیبی ہے ) ، اور بے شک وہ ( قرآن ) بڑی باعزت کتاب ہے

سورة حٰمٓ السَّجْدَة حاشیہ نمبر :51 یعنی اٹل ہے ۔ اس کو ان چالوں سے شکست نہیں دی جا سکتی جو باطل پرست لوگ اس کے خلاف چل رہے ہیں ۔ اس میں صداقت کا زور ہے ۔ علم حق کا زور ہے ۔ دلیل و حجت کا زور ہے ۔ زبان اور بیان کا زور ہے ۔ بھیجنے والے خدا کی خدائی کا زور ہے ۔ اور پیش کرنے والے رسول کی شخصیت کا زور ہے ۔ جھوٹ اور کھوکھلے پروپیگنڈے کے ہتھیاروں سے کوئی اسے زک دینا چاہے تو کیسے دے سکتا ہے ۔