Nothing is said to you, [O Muhammad], except what was already said to the messengers before you. Indeed, your Lord is a possessor of forgiveness and a possessor of painful penalty.
۔ ( اے پیغمبر ! ) تم سے جو باتیں کہی جا رہی ہیں ، وہ وہی ہیں جو تم سے پہلے پیغمبروں سے کہی گئی تھیں ، یقین رکھو تمہارا پروردگار مغفرت کرنے والا بھی ہے ، اور دردناک سزا دینے والا بھی
اے نبی ( صلی اللہ علیہ وسلم ) ، تم سے جو کچھ کہا جا رہا ہے اس میں کوئی چیز بھی ایسی نہیں ہے جو تم سے پہلے گزرے ہوئے رسولوں سے نہ کہی جاچکی ہو ۔ بے شک تمہارا رب بڑا درگزر کرنے والا ہے 53 ، اور اس کے ساتھ بڑی درد ناک سزا دینے والا بھی ہے ۔
۔ ( اے حبیب! ) جو آپ سے کہی جاتی ہیں ( یہ ) وہی باتیں ہیں جو آپ سے پہلے رسولوں سے کہی جا چکی ہیں ، بے شک آپ کا رب ضرور معافی والا ( بھی ) ہے اور درد ناک سزا دینے والا ( بھی ) ہے
سورة حٰمٓ السَّجْدَة حاشیہ نمبر :53
یعنی یہ اس کا حلم اور عفو و درگزر ہی ہے کہ اس کے رسولوں کو جھٹلایا گیا ، گالیاں دی گئیں ، اذیتیں پہنچائی گئیں اور پھر بھی وہ سالہا سال تک مخالفین کو محبت دیتا چلا گیا ۔
