سورة نُوْح حاشیہ نمبر :13
مطلب یہ ہے کہ دنیا کے چھوٹے چھوٹے ریئسوں اور سرداروں کے بارے میں تو تم یہ سمجھتے ہو کہ ان کے وقار کے خلاف کوئی حرکت کرنا خطرناک ہے ، مگر خداوند عالم کے متعلق تم یہ توقع نہیں رکھتے کہ وہ بھی کوئی باوقار ہستی ہو گا ۔ اس کے خلاف تم بغاوت کرتے ہو ، اس کی خدائی میں دوسروں کو شریک ٹھیراتے ہو ، اس کے احکام کی نافرمانیاں کرتے ہو ، اور اس سے تمہیں یہ اندیشہ لاحق نہیں ہوتا کہ وہ اس کی سزا دے گا ۔
