Quran - An-Nisa - النساء - Ayat 78 Alfaaz Community

An-Nisa - النساء

The Women

اَيۡنَ مَا تَكُوۡنُوۡا يُدۡرِكْكُّمُ الۡمَوۡتُ وَلَوۡ كُنۡتُمۡ فِىۡ بُرُوۡجٍ مُّشَيَّدَةٍ‌ ؕ وَاِنۡ تُصِبۡهُمۡ حَسَنَةٌ يَّقُوۡلُوۡا هٰذِهٖ مِنۡ عِنۡدِ اللّٰهِ‌ ۚ وَاِنۡ تُصِبۡهُمۡ سَيِّئَةٌ يَّقُوۡلُوۡا هٰذِهٖ مِنۡ عِنۡدِكَ‌ ؕ قُلۡ كُلٌّ مِّنۡ عِنۡدِ اللّٰهِ‌ ؕ فَمَالِ ھٰٓؤُلَۤاءِ الۡقَوۡمِ لَا يَكَادُوۡنَ يَفۡقَهُوۡنَ حَدِيۡثًا‏ ﴿78﴾

تم جہاں کہیں بھی ہو موت تمہیں آ پکڑے گی ، گو تم مضبوط قلعوں میں ہو اور اگر انہیں کوئی بھلائی ملتی ہے تو کہتے ہیں کہ یہ اللہ تعالٰی کی طرف سے ہے اور اگر کوئی برائی پہنچتی ہے تو کہہ اٹھتے ہیں کہ یہ تیری طرف سے ہے انہیں کہہ دو کہ یہ سب کچھ اللہ تعالٰی کی طرف سے ہے انہیں کیا ہوگیا ہے کہ کوئی بات سمجھنے کے بھی قریب نہیں ۔

Arabic simple

اين ما تكونوا يدرككم الموت و لو كنتم في بروج مشيدة و ان تصبهم حسنة يقولوا هذه من عند الله و ان تصبهم سية يقولوا هذه من عندك قل كل من عند الله فمال هؤلاء القوم لا يكادون يفقهون حديثا

English translation

Wherever you may be, death will overtake you, even if you should be within towers of lofty construction. But if good comes to them, they say, "This is from Allah "; and if evil befalls them, they say, "This is from you." Say, "All [things] are from Allah ." So what is [the matter] with those people that they can hardly understand any statement?

Roman urdu

Tum jahan kahin bhi ho maut tumhen aa pakray gi go tum mazboor qilon mein ho aur gar enhen koi bhalaee milti hai to kehtay hain kay yeh Allah Taalaa ki taraf say hai aur agar koi buraee phonchti hai to to keh uthtay hain kay yeh teri taraf say hai. Enhen keh do kay yeh kuch Allah Taalaa ki taraf say hai. Enhen kiya hogaya hai kay koi baat samajhney kay bhi qarib nahi.

Translation Taqi Usmani

تم جہاں بھی ہوگے ( ایک نہ ایک دن ) موت تمہیں جاپکڑے گی ، چاہے تم مضبوط قلعوں میں کیوں نہ رہ رہے ہو ۔ اور اگر ان ( منافقوں ) کو کوئی بھلائی پہنچتی ہے تو وہ کہتے ہیں کہ یہ اللہ کی طرف سے ہے ، اور اگر ان کو کوئی برا واقعہ پیش آجاتا ہے تو ( اے پیغمبر ) وہ ( تم سے ) کہتے ہیں کہ یہ برا واقعہ آپ کی وجہ سے ہوا ہے ۔ کہہ دو کہ ہر واقعہ اللہ کی طرف سے ہوتا ہے ۔ ان لوگوں کو کیا ہوگیا ہے کہ یہ کوئی بات سمجھنے کے نزدیک تک نہیں آتے؟

Translation Kanzul Iman

تم جہاں کہیں ہو موت تمہیں آلے گی ( ف۱۹۹ ) اگرچہ مضبوط قلعوں میں ہو اور انہیں کوئی بھلائی پہنچے ( ف۲۰۰ ) تو کہیں یہ اللہ کی طرف سے ہے اور انہیں کوئی برائی پہنچے ( ف۲۰۱ ) تو کہیں یہ حضور کی طرف آئی ( ف۲۰۲ ) تم فرمادو سب اللہ کی طرف سے ہے ( ف۲۰۳ ) تو ان لوگوں کو کیا ہوا کوئی بات سمجھتے معلوم ہی نہیں ہوتے ،

Translation Abul A'la Maududi

رہی موت ، تو جہاں بھی تم ہو وہ بہرحال تمہیں آکر رہے گی خواہ تم کیسی ہی مضبوط عمارتوں میں ہو ۔ اگر انہیں کوئی فائدہ پہنچتا ہے تو کہتے ہیں یہ اللہ کی طرف سے ہے ، اور اگر کوئی نقصان پہنچتا ہے تو کہتے ہیں یہ تمہاری بدولت ہے ۔ 109 کہو ، سب کچھ اللہ ہی کی طرف سے ہے ۔ آخر ان لوگوں کو کیا ہوگیا ہے کہ کوئی بات ان کی سمجھ میں نہیں آتی ۔

Translation Tahir ul Qadri

۔ ( اے موت کے ڈر سے جہاد سے گریز کرنے والو! ) تم جہاں کہیں ( بھی ) ہوگے موت تمہیں ( وہیں ) آپکڑے گی خواہ تم مضبوط قلعوں میں ( ہی ) ہو ، اور ( ان کی ذہنیت یہ ہے کہ ) اگر انہیں کوئی بھلائی ( فائدہ ) پہنچے توکہتے ہیں کہ یہ ( تو ) اللہ کی طرف سے ہے ( اس میں رسول صلی اللہ علیہ وآلہ وسلم کی برکت اور واسطے کا کوئی دخل نہیں ) ، اور اگر انہیں کوئی برائی ( نقصان ) پہنچے تو کہتے ہیں: ( اے رسول! ) یہ آپ کی طرف سے ( یعنی آپ کی وجہ سے ) ہے ۔ آپ فرما دیں: ( حقیقۃً ) سب کچھ اللہ کی طرف سے ( ہوتا ) ہے ۔ پس اس قوم کو کیا ہوگیا ہے کہ یہ کوئی بات سمجھنے کے قریب ہی نہیں آتے

Tafseer Abdul A'la Muadudi

سورة النِّسَآء حاشیہ نمبر :109 یعنی جب فتح و ظفر اور کامیابی و سرخروئی نصیب ہو تی ہے تو اسے اللہ کا فضل قرار دیتے ہیں اور بھول جاتے ہیں کہ اللہ نے ان پر یہ فضل نبی ہی کے ذریعہ سے فرمایا ہے ۔ مگر جب خود اپنی غلطیوں اور کمزوریوں کے سبب سے کہیں شکست ہوتی ہے اور بڑھتے ہوئے قدم پیچھے پڑنے لگتے ہیں تو سارا الزام نبی کے سر تھوپتے ہیں اور خود بری الذمہ ہونا چاہتے ہیں ۔