سورة الفیل حاشیہ نمبر : 7
اصل الفاظ ہیں كَعَصْفٍ مَّاْكُوْلٍ ، عصف کا لفظ سورہ رحمان آیت 12 میں آیا ہے ۔ ذُو الْعَصْفِ وَالرَّيْحَانُ اور غلہ بھوسے اور دانے والا ۔ اس سے معلوم ہوا کہ عصف کے معنی اس چھلکے کے ہیں جو غلے کے دانوں پر ہوتا ہے اور جسے کسان دانے نکال کر پھینک دیتے ہیں ، پھر جانور اسے کھاتے بھی ہیں ، اور کچھ ان کے چبانے کے دوران میں گرتا بھی جاتا ہے ، اور کچھ ان کے پاؤں تلے روندا بھی جاتا ہے ۔
