وَمَا مِنۡ دَآبَّةٍ فِى الۡاَرۡضِ وَلَا طٰۤٮِٕرٍ يَّطِيۡرُ بِجَنَاحَيۡهِ اِلَّاۤ اُمَمٌ اَمۡثَالُـكُمۡؕ مَا فَرَّطۡنَا فِى الۡـكِتٰبِ مِنۡ شَىۡءٍ ثُمَّ اِلٰى رَبِّهِمۡ يُحۡشَرُوۡنَ ﴿38﴾
اور جتنے قسم کے جاندار زمین پر چلنے والے ہیں اور جتنے قسم کے پرند جانور ہیں کہ اپنے دونوں بازؤں سے اڑتے ہیں ان میں کوئی قسم ایسی نہیں جو کہ تمہاری طرح کے گروہ نہ ہوں ہم نے دفتر میں کوئی چیز نہیں چھوڑی پھر سب اپنے پروردگار کے پاس جمع کئے جائیں گے ۔
و ما من دابة في الارض و لا طىر يطير بجناحيه الا امم امثالكم ما فرطنا في الكتب من شيء ثم الى ربهم يحشرون
And there is no creature on [or within] the earth or bird that flies with its wings except [that they are] communities like you. We have not neglected in the Register a thing. Then unto their Lord they will be gathered.
Aur jitney qisam kay jaandaar zamin per chalney walay hain aur jitney qisam kay parind janwar hain kay apnay dono baazoo’on per urtay hain inn mein koi qisam aisi nahi kay jo kay tumhari tarah kay giroh na hon hum ney daftar mein koi cheez nahi chori phir sab apney perwerdigar kay pass jama kiye jayen gay.
اور زمین میں جتنے جانور چلتے ہیں ، اور جتنے پرندے اپنے پروں سے اڑتے ہیں ، وہ سب مخلوقات کی تم جیسی ہی اصناف ہیں ۔ ہم نے کتاب ( یعنی لوح محفوظ ) میں کوئی کسر نہیں چھوڑی ہے ۔ پھر ان سب کو جمع کر کے ان کے پروردگار کی طرف لے جایا جائے گا ۔ ( ١٢ )
اور نہیں کوئی زمین میں چلنے والا اور نہ کوئی پرند کہ اپنے پروں پر اڑتا ہے مگر تم جیسی امتیں ( ف۸۷ ) ہم نے اس کتاب میں کچھ اٹھا نہ رکھا ( ف۸۸ ) پھر اپنے رب کی طرف اٹھائے جائیں گے ( ف۸۹ )
زمین میں چلنے والے کسی جانور اور ہوا میں پروں سے اڑنے والے کسی پرندے کو دیکھ لو ، یہ سب تمہاری ہی طرح کی انواع ہیں ، ہم نے ان کی تقدیر کے نوشتے میں کوئی کسر نہیں چھوڑی ہے ، پھر یہ سب اپنے رب کی طرف سمیٹے جاتے ہیں ۔
اور ( اے انسانو! ) کوئی بھی چلنے پھرنے والا ( جانور ) اور پرندہ جو اپنے دو بازوؤں سے اڑتا ہو ( ایسا ) نہیں ہے مگر یہ کہ ( بہت سی صفات میں ) وہ سب تمہارے ہی مماثل طبقات ہیں ، ٭ ہم نے کتاب میں کوئی چیز نہیں چھوڑی ( جسے صراحۃً یا اشارۃً بیان نہ کردیا ہو ) پھر سب ( لوگ ) اپنے رب کے پاس جمع کئے جائیں گے
