Quran - al-A`raaf - الأعراف - Ayat 161 Alfaaz Community

al-A`raaf - الأعراف

The Heights

وَاِذۡ قِيۡلَ لَهُمُ اسۡكُنُوۡا هٰذِهِ الۡقَرۡيَةَ وَكُلُوۡا مِنۡهَا حَيۡثُ شِئۡتُمۡ وَقُوۡلُوۡا حِطَّةٌ وَّادۡخُلُوا الۡبَابَ سُجَّدًا نَّـغۡفِرۡ لَـكُمۡ خَطِيْٓــٰٔــتِكُمۡ‌ ؕ سَنَزِيۡدُ الۡمُحۡسِنِيۡنَ‏ ﴿161﴾

اور جب ان کو حکم دیا گیا کہ تم لوگ اس آبادی میں جا کر رہو اور کھاؤ اس سے جس جگہ تم رغبت کرو اور زبان سے یہ کہتے جانا کہ توبہ ہے اور جھکے جھکے دروازہ میں داخل ہونا ہم تمہاری خطائیں معاف کر دیں گے ۔ جو لوگ نیک کام کریں گے ان کو مزید برآں اور دیں گے ۔

Arabic simple

و اذ قيل لهم اسكنوا هذه القرية و كلوا منها حيث شتم و قولوا حطة و ادخلوا الباب سجدا نغفر لكم خطيتكم سنزيد المحسنين

English translation

And [mention, O Muhammad], when it was said to them, "Dwell in this city and eat from it wherever you will and say, 'Relieve us of our burdens,' and enter the gate bowing humbly; We will [then] forgive you your sins. We will increase the doers of good [in goodness and reward]."

Roman urdu

Aur jab inn ko hukum diya gaya kay tum log iss aabadi mein jaa ker raho aur khao uss say jiss jagah tum raghbat kero aur zaban say yeh kehtay jana kay tauba hai aur jhukay jhukay darwazon mein dakhil hona hum tumhari khatayen moaf ker den gay. Jo log nek kaam keren gay unn ko mazeed baran aur den gay.

Translation Taqi Usmani

اور وہ وقت یاد کرو جب ان سے کہا گیا تھا کہ : اس بستی میں جاکر بس جاؤ ، اور اس میں جہاں سے چاہو کھاؤ ، اور یہ کہتے جانا کہ ( یا اللہ ) ہم آپ کی بخشش کے طلب گار ہیں ، اور ( بستی کے ) دروازے میں جھکے ہوئے سروں کے ساتھ داخل ہونا ، تو ہم تمہاری خطائیں معاف کردیں گے ، ( اور ) نیکی کرنے والوں کو اور زیادہ ( ثواب ) بھی دیں گے ۔

Translation Kanzul Iman

اور یاد کرو جب ان ( ف۳۰۹ ) سے فرمایا گیا اس شہر میں بسو ( ف۳۱۰ ) اور اس میں جو چاہو کھاؤ اور کہو گناہ اترے اور دروازے میں سجدہ کرتے داخل ہو ہم تمہارے گناہ بخش دیں گے ، عنقریب نیکوں کو زیادہ عطا فرمائیں گے ،

Translation Abul A'la Maududi

یاد کرو وہ وقت جب ان سے کہا گیا تھا کہ اس بستی میں جاکر بس جاؤ اور اس کی پیداوار سے اپنے حسبِ منشا روزی حاصل کرو اور حِطَّة حِطَّة کہتے جاؤ اور شہر کے دروازے میں سجدہ ریز ہوتے ہوئے داخل ہو ، ہم تمہاری خطائیں معاف کریں گے اور نیک رویہ رکھنے والوں کو مزید فضل سے نوازیں گے ۔

Translation Tahir ul Qadri

اور ( یاد کرو ) جب ان سے فرمایا گیا کہ تم اس شہر ( بیت المقدس یا اریحا ) میں سکونت اختیار کرو اور تم وہاں سے جس طرح چاہو کھانا اور ( زبان سے ) کہتے جانا کہ ( ہمارے گناہ ) بخش دے اور ( شہر کے ) دروازے میں سجدہ کرتے ہوئے داخل ہونا ( تو ) ہم تمہاری تمام خطائیں بخش دیں گے ، عنقریب ہم نیکو کاروں کو اور زیادہ عطا فرمائیں گے