اگر تم کوچ نہیں کرو گے تو اللہ تمہیں دردناک سزا دے گا ، اور تمہاری جگہ کوئی اور قوم لے آئے گا ، اور تم اسے کچھ بھی نقصان نہیں پہنچا سکو گے ۔ اور اللہ ہر چیز پر پوری قدرت رکھتا ہے ۔

اگر نہ کوچ کرو گے ( ف۹۰ ) انہیں سخت سزا دے گا اور تمہاری جگہ اور تمہاری جگہ اور لوگ لے آئے گا ( ف۹۱ ) اور تم اس کا کچھ نہ بگاڑ سکوگے ، اور اللہ سب کچھ کرسکتا ہے ،

تم نہ اٹھو گے تو خدا تمہیں دردناک سزا دے گا ، 40 اور تمہاری جگہ کسی اور گروہ کو اٹھائے گا ، 41 اور تم خدا کا کچھ بھی نہ بگاڑ سکو گے ، وہ ہر چیز پر قدرت رکھتا ہے ۔

اگر تم ( جہاد کے لئے ) نہ نکلو گے تو وہ تمہیں دردناک عذاب میں مبتلا فرمائے گا اور تمہاری جگہ ( کسی ) اور قوم کو لے آئے گا اور تم اسے کچھ بھی نقصان نہیں پہنچا سکو گے ، اور اللہ ہر چیز پر بڑی قدرت رکھتا ہے

سورة التَّوْبَة حاشیہ نمبر :40 اسی سے یہ مسئلہ نکلا ہے کہ جب تک نفیر عام ( جنگی خدمت کے لیے عام بلاوا ) نہ ہو ، یا جب تک کسی علاقے کی مسلم آبادی یا مسلمانوں کے کسی گروہ کو جہاد کے لیے نکلنے کا حکم نہ دیا جائے ، اس وقت تک تو جہاد فرض کفایہ رہتا ہے ، یعنی اگر کچھ لوگ اسے ادا کرتے رہیں تو باقی لوگوں پر سے اس کی فرضیت ساقط ہو جاتی ہے ۔ لیکن جب امام المسلمین کی طرف سے مسلمانوں کو جہاد کا عام بلاوا ہو جائے ، یا کسی خاص گروہ یا خاص علاقے کی آبادی کو بلاوا دے دیا جائے تو ، پھر جنہیں بلاوا دیا گیا ہو ان پر جہاد فرض عین ہے ، حتٰی کہ جو شخص کسی حقیقی معذوری کےبغیر نہ نکلے اس کا ایمان تک معتبر نہیں ہے ۔ سورة التَّوْبَة حاشیہ نمبر :41 یعنی خدا کا کام کچھ تم منحصر نہیں ہے کہ تم کرو گے تو ہوگا ورنہ نہ ہوگا ۔ درحقیقت یہ تو خدا کا فضل و احسان ہے کہ وہ تمہیں اپنے دین کی خدمت کا زرین موقع دے رہا ہے ۔ اگر تم اپنی نادانی سے اس موقع کو کھو دو گے تو خدا کسی اور قوم کو اس کی توفیق بخش دے گا اور تم نامراد رہ جاؤ گے ۔