Surah

Information

Surah # 10 | Verses: 109 | Ruku: 11 | Sajdah: 0 | Chronological # 51 | Classification: Makkan
Revelation location & period: Middle Makkah phase (618 - 620 AD). Except 40, 94, 95, 96, from Madina
وَ مِنۡهُمۡ مَّنۡ يُّؤۡمِنُ بِهٖ وَمِنۡهُمۡ مَّنۡ لَّا يُؤۡمِنُ بِهٖ‌ؕ وَرَبُّكَ اَعۡلَمُ بِالۡمُفۡسِدِيۡنَ‏ ﴿40﴾
اور ان میں سے بعض ایسے ہیں جو اس پر ایمان لے آئیں گے اور بعض ایسے ہیں کہ اس پر ایمان نہ لائیں گے ۔ اور آپ کا رب مُفسدوں کو خوب جانتا ہے ۔
و منهم من يؤمن به و منهم من لا يؤمن به و ربك اعلم بالمفسدين
And of them are those who believe in it, and of them are those who do not believe in it. And your Lord is most knowing of the corrupters
Aur inn mein say baaz aisay hain jo iss per eman ley aayen gay aur baaz aisay hain kay iss per eman na layen gay. Aur aap ka rab mufisdon ko khoob janta hai.
اور ان میں سے کچھ ایسے ہیں جو اس ( قرآن ) پر ایمان لے آئیں گے ، اور کچھ وہ ہیں جو اس پر ایمان نہیں لائیں گے ، اور تمہارا پروردگار فساد پھیلانے والوں کو خوب جانتا ہے ۔
اور ان ( ف۱۰۱ ) میں کوئی اس ( ف۱۰۲ ) پر ایمان لاتا ہے اور ان میں کوئی اس پر ایمان نہیں لاتا ہے ، اور تمہارا رب مفسدوں کو خوب جانتا ہے ( ف۱۰۳ )
اِن میں سے کچھ لوگ ایمان لائیں گے اور کچھ نہیں لائیں گے اور تیرا ربّ ان مفسدوں کو خوب جانتا ہے ۔ 48 ؏ ٤
ان میں سے کوئی تو اس پر ایمان لائے گا اور انہی میں سے کوئی اس پر ایمان نہ لائے گا ، اور آپ کا رب فساد انگیزی کرنے والوں کو خوب جانتا ہے
سورة یُوْنُس حاشیہ نمبر :48 ایمان نہ لانے والوں کے متعلق فرمایا جا رہا ہے کہ ”خدا ان مفسدوں کو خوب جانتا ہے“ ۔ یعنی وہ دنیا کا منہ تو یہ باتیں بنا کر بند کر سکتے ہیں کہ صاحب ہماری سمجھ میں بات نہیں آتی اس لیے نیک نیتی کے ساتھ ہم اسے نہیں مانتے ، لیکن خدا جو قلب و ضمیر کے چھپے ہوئے رازوں سے واقف ہے وہ ان میں سے ایک ایک شخص کے متعلق جانتا ہے کہ کس کس طرح اس نے اپنے دل و دماغ پر قفل چڑھائے ، اپنے آپ کو غفلتوں میں گم کیا ، اپنے ضمیر کی آواز کو دبایا ، اپنے قلب میں حق کی شہادت کو ابھرنے سے روکا ، اپنے ذہن سے قبول حق کی صلاحیت کو مٹایا ، سن کر نہ سنا ، سمجھتے ہوئے نہ سمجھنے کی کوشش کی اور حق کے مقابلہ میں اپنے تعصبات کو ، اپنے دنیوی مفاد کو ، اپنی باطن سے الجھی ہوئی اغراض کو اور اپنے نفس کی خواہشوں اور رغبتوں کو ترجیح دی ۔ اسی بنا پر وہ ”معصوم گمراہ “ نہیں ہیں بلکہ درحقیقت مفسد ہیں ۔