Aap farma dijiye kay yeh batlao kay agar tum per Allah ka azab raat ko aa paray ya din ko to azab mein konsi cheez aisi hai kay mujrim log iss ko jaldi maang rahey hain.
ان سے کہو کہ : ذرا مجھے یہ بتاؤ کہ اگر اللہ کا عذاب تم پر رات کے وقت آئے یا دن کے وقت تو اس میں کون سی ایسی ( اشتیاق کے قابل ) چیز ہے جس کے جلد آنے کا یہ مجرم لوگ مطالبہ کر رہے ہیں؟
اِن سے کہو ، کبھی تم نے یہ بھی سوچا کہ اگر اللہ کا عذاب اچانک رات کو یا دن کو آجائے ﴿تو تم کیا کر سکتے ہو؟﴾ ۔ آخِر یہ ایسی کون سی چیز ہے جس کے لیے مجرم جلدی مچائیں؟
آپ فرما دیجئے: ( اے کافرو! ) ذرا غور تو کرو اگر تم پر اس کا عذاب ( ناگہاں ) راتوں رات یا دن دہاڑے آپہنچے ( تو تم کیا کرلوگے؟ ) وہ کیا چیز ہے کہ مجرم لوگ اس سے جلدی چاہتے ہیں؟
