یوسف نے جواب دیا کہ تم سات سال تک پے درپے لگاتار حسب عادت غلہ بویا کرنا اور فصل کاٹ کر اسے بالیوں سمیت ہی رہنے دینا سوائے اپنے کھانے کی تھوڑی سی مقدار کے ۔
Yousuf ney jawab diya kay tum saat saal tak pay dar pay lagataar hasb-e-aadat ghalla boya kerna aur fasal kaat ker ussay baaliyon samet hi rehney dena siwaye apney khaney ki thori si miqdaar kay.
یوسف نے کہا : تم سات سال تک مسلسل غلہ زمین میں اگاؤ گے ، اس دوران جو فصل کاٹو ، اس کو اس کی بالیوں ہی میں رہنے دینا ، البتہ تھوڑا سا غلہ جو تمہارے کھانے کے کام آئے ، ( وہ نکال لیا کرو ) ۔
یوسف ( علیہ السلام ) نے کہا سات برس تک لگاتار تم لوگ کھیتی باڑی کرتے رہو گے ۔ اس دوران میں جو فصلیں تم کاٹو ان میں سے بس تھوڑا سا حصہ ، جو تمہاری خوراک کے کام آئے ، نکالو اور باقی کو اس کی بالوں ہی میں رہنے دو ۔
یوسف ( علیہ السلام ) نے کہا: تم لوگ دائمی عادت کے مطابق مسلسل سات برس تک کاشت کرو گے سو جو کھیتی تم کاٹا کرو گے اسے اس کے خوشوں ( ہی ) میں ( ذخیرہ کے طور پر ) رکھتے رہنا مگر تھوڑا سا ( نکال لینا ) جسے تم ( ہر سال ) کھا لو