۔ ( اے پیغمبر ) اگر تمہیں یہ حرص ہے کہ یہ لوگ ہدایت پر آجائیں ، تو حقیقت یہ ہے کہ اللہ جن کو ( ان کے عناد کی وجہ سے ) گمراہ کردیتا ہے ان کو ہدایت تک نہیں پہنچاتا ، اور ایسے لوگوں کو کسی قسم کے مددگار بھی میسر نہیں آتے ۔
اے محمد ( صلی اللہ علیہ وسلم ) ، تم چاہے ان کی ہدایت کے لیے کتنے ہی حریص ہو ، مگر اللہ جس کو بھٹکا دیتا ہے پھر اسے ہدایت نہیں دیا کرتا اور اس طرح کے لوگوں کی مدد کوئی نہیں کر سکتا ۔
اگر آپ ان کے ہدایت پر آجانے کی شدید طلب رکھتے ہیں تو ( آپ اپنی طبیعتِ مطہرہ پر اس قدر بوجھ نہ لائیں ) بیشک اللہ جسے گمراہ ٹھہرا دیتا ہے اسے ہدایت نہیں فرماتا اور ان کے لئے کوئی مددگار نہیں ہوتا
