Quran - Ta-Ha - طه - Ayat 7 Alfaaz Community

Ta-Ha - طه

Ta-Ha

<< Previous ayat

Next ayat >>

وَاِنۡ تَجۡهَرۡ بِالۡقَوۡلِ فَاِنَّهٗ يَعۡلَمُ السِّرَّ وَاَخۡفٰى‏ ﴿7﴾

اگر تو اونچی بات کہے تو وہ تو ہر ایک پوشیدہ ، بلکہ پوشیدہ سے پوشیدہ تر چیز کو بھی بخوبی جانتا ہے ۔

English translation

And if you speak aloud - then indeed, He knows the secret and what is [even] more hidden.

Roman urdu

Agar tu unchi baat kahey to woh to her aik posheeda bulkay posheeda say posheeda tar cheez ko bhi ba-khoobi janta hai.

Translation Taqi Usmani

اگر تم کوئی بات بلند آواز سے کہو ( یا آہستہ ) تو وہ چپکے سے کہی ہوئی باتوں کو ، بلکہ اور زیادہ چھپی ہوئی باتوں کو بھی جانتا ہے ۔ ( ٥ )

Translation Kanzul Iman

اور اگر تو بات پکار کر کہے تو وہ تو بھید کو جانتا ہے اور اسے جو اس سے بھی زیادہ چھپا ہے ( ف۵ )

Translation Abul A'la Maududi

تم چاہے اپنی بات پکار کر کہو ، وہ تو چپکے سے کہی ہوئی بات بلکہ اس سے مخفی تر بات بھی جانتا ہے ۔ 3

اور اگر آپ ذکر و دعا میں جہر ( یعنی آواز بلند ) کریں ( تو بھی کوئی حرج نہیں ) وہ تو سِرّ ( یعنی دلوں کے رازوں ) اور اخفی ( یعنی سب سے زیادہ مخفی بھیدوں ) کو بھی جانتا ہے ( تو بلند التجاؤں کو کیوں نہیں سنے گا )

Tafseer Abdul A'la Muadudi

سورة طٰهٰ حاشیہ نمبر :3 یعنی کچھ ضروری نہیں ہے کہ جو ظلم و ستم تم پر اور تمہارے ساتھیوں پر ہو رہا ہے اور جن شرارتوں اور خباثتوں سے تمہیں نیچا دکھانے کی کوششیں کی جا رہی ہیں ان پر تم بآواز بلند ہی فریاد کرو ۔ اللہ کو خوب معلوم ہے کہ تم پر کیا کیفیت گزر رہی ہے ۔ وہ تمہارے دلوں کی پکار تک سن رہا ہے ۔