سورة الْمُؤْمِنُوْن حاشیہ نمبر :102
اصل میں لفظ عَبَثاً کا لفظ استعمال کیا گیا ہے ، جس کا ایک مطلب تو ہے کھیل کے طور پر ۔ اور دوسرا مطلب ہے کھیل کے لیے پہلی صورت میں آیت کے معنی یہ ہوں گے ۔ کیا تم نے یہ سمجھا تھا کہ ہم نے تمہیں یوں ہی بطور تفریح بنا دیا ہے ، تمہاری تخلیق کی کوئی غرض و غایت نہیں ہے ، محض ایک بے مقصد مخلوق بنا کر پھیلا دی گئی ہے ۔ دوسری صورت میں مطلب یہ ہو گا : کیا تم یہ سمجھتے تھے کہ تم بس کھیل کود اور تفریح اور ایسی لاحاصل مصروفیتوں کے لیے پیدا کیے گئے ہو جن کا کبھی کوئی نتیجہ نکلنے والا نہیں ہے ۔
