Fairaon ney kaha kiya hum ney tujhay teray bachpan kay zamaney mein apnay haan nahi pala tha? Aur tu ney apni umar kay boht say saal hum mein nahi guzaray?
فرعون نے ( جواب میں موسیٰ ( علیہ السلام ) سے ) کہا : کیا ہم نے تمہیں اس وقت اپنے پاس رکھ کر نہیں پالا تھا جب تم بالکل بچے تھے ؟ ( ٥ ) اور تم نے اپنی عمر کے بہت سے سال ہمارے یہاں رہ کر گذارے ۔
سورة الشُّعَرَآء حاشیہ نمبر :14
اس سے ایک اشارہ اس خیال کی تائید میں نکلتا ہے کہ یہ فرعون وہ فرعون نہ تھا جس کے گھر میں حضرت موسیٰ نے پرورش پائی تھی ، بلکہ یہ اس کا بیٹا تھا ۔ اگر یہ وہی فرعون ہوتا تو کہتا کہ میں نے تجھے پالا تھا ۔ لیکن یہ کہتا ہے کہ ہمارے ہاں تو رہا ہے اور ہم نے تیری پرورش کی ہے ۔ ( اس مسئلے پر تفصیلی بحث کے لیے ملاحظہ ہو تفہیم القرآن ، جلد دوم الاعراف ، حواشی 85 ۔ 93 ) ۔