Quran - Al-Qasas - القصص - Ayat 39 Alfaaz Community

Al-Qasas - القصص

The Story

وَاسۡتَكۡبَرَ هُوَ وَجُنُوۡدُهٗ فِى الۡاَرۡضِ بِغَيۡرِ الۡحَـقِّ وَظَنُّوۡۤا اَنَّهُمۡ اِلَـيۡنَا لَا يُرۡجَعُوۡنَ‏ ﴿39﴾

اس نے اور اس کے لشکروں نے ناحق طریقے پر ملک میں تکبر کیا اور سمجھ لیا کہ وہ ہماری جانب لوٹائے ہی نہ جائیں گے ۔

Arabic simple

و استكبر هو و جنوده في الارض بغير الحق و ظنوا انهم الينا لا يرجعون

English translation

And he was arrogant, he and his soldiers, in the land, without right, and they thought that they would not be returned to Us.

Roman urdu

Uss ney aur uss kay lashkar ney na-haq tareeqay per mulk mein takabbur kiya aur samajh liya kay woh humari janib lotaye hi na jayen gay.

Translation Taqi Usmani

غرض یہ کہ اس نے اور اس کے لشکروں نے زمین میں ناحق گھمنڈ کیا ، اور یہ سمجھ بیٹھے کہ انہیں ہمارے پاس واپس نہیں لایا جائے گا ۔

Translation Kanzul Iman

اور اس نے اور اس کے لشکریوں نے زمین میں بےجا بڑائی چاہی ( ف۱۰٤ ) اور سمجھے کہ انھیں ہماری طرف پھرنا نہیں ،

Translation Abul A'la Maududi

اس نے اور اس کے لشکروں نے زمین میں بغیر کسی حق کے اپنی بڑائی کا گھمنڈ کیا 54 اور سمجھے کہ انہیں کبھی ہماری طرف پلٹنا نہیں ہے ۔ 55

Translation Tahir ul Qadri

اور اس ( فرعون ) نے خود اور اس کی فوجوں نے ملک میں ناحق تکبّر و سرکشی کی اور یہ گمان کر بیٹھے کہ وہ ہماری طرف نہیں لوٹائے جائیں گے

سورة القصص حاشیہ نمبر : 54 یعنی بڑائی کا حق تو اس کائنات میں صرف اللہ رب العالمین کو ہے ، مگر فرعون اور اس کے لشکر زمین کے ایک ذرا سے خطے میں تھوڑا سا اقتدار پاکر یہ سمجھ بیٹھے کہ یہاں بڑے بس وہی ہیں ۔ سورة القصص حاشیہ نمبر : 55 یعنی انہوں نے اپنے آپ کو غیر مسؤل سمجھ لیا اور یہ فرض کر کے خود مختارانہ کام کرنے لگے کہ انہیں جاکر کسی کے سامنے جواب دہی نہیں کرنی ہے ۔