Quran - Al-Qasas - القصص - Ayat 40 Alfaaz Community

Al-Qasas - القصص

The Story

<< Previous ayat

Next ayat >>

فَاَخَذۡنٰهُ وَجُنُوۡدَهٗ فَنَبَذۡنٰهُمۡ فِى الۡيَمِّ‌ۚ فَانْظُرۡ كَيۡفَ كَانَ عَاقِبَةُ الظّٰلِمِيۡنَ‏ ﴿40﴾

بالآخر ہم نے اسے اوراس کے لشکروں کو پکڑ لیا اور دریا برد کر دیا اب دیکھ لے کہ ان گنہگاروں کا انجام کیسا کچھ ہوا؟

Arabic simple

فاخذنه و جنوده فنبذنهم في اليم فانظر كيف كان عاقبة الظلمين

English translation

So We took him and his soldiers and threw them into the sea. So see how was the end of the wrongdoers.

Roman urdu

Bil-aakhir hum ney ussay aur uss kay lashkaron ko pakar liya aur darya burd ker diya abb dekh ley kay unn gunehgaaron ka anjam kaisa kuch hua?

Translation Taqi Usmani

اس لیے ہم نے اس کا اور اس کے لشکروں کو پکڑ میں لے کر سمندر میں پھینک دیا ۔ اب دیکھ لو کہ ظالموں کا انجام کیسا ہوا ۔

Translation Kanzul Iman

تو ہم نے اسے اور اس کے لشکر کو پکڑ کر دریا میں پھینک دیا ( ف۱۰۵ ) تو دیکھو کیسا انجام ہوا ستمگاروں کا ،

Translation Abul A'la Maududi

آخرکار ہم نے اسے اور اس کے لشکروں کو پکڑا اور سمندر میں پھینک دیا ۔ 56 اب دیکھ لو کہ ان ظالموں کا کیسا انجام ہوا ۔

Translation Tahir ul Qadri

سو ہم نے اس کو اور اس کی فوجوں کو ( عذاب میں ) پکڑ لیا اور ان کو دریا میں پھینک دیا ، تو آپ دیکھئے کہ ظالموں کا انجام کیسا ( عبرت ناک ) ہوا

سورة القصص حاشیہ نمبر : 56 ان الفاظ میں اللہ تعالی نے ان کے جھوٹے تکبر کے مقابلے میں ان کی بے حقیقی اور ہیچ میرزی کی تصویر کھینچ دی ہے ، وہ اپنے آپ کو بڑی چیز سمجھ بیٹھے تھے ، مگر جب وہ مہلت جو خدا نے ان کو راہ راست پر آنے کے لیے دی تھی ختم ہوگئی تو انیہں اس طرح اٹھا کر سمندر میں پھینک دیا گیا جیسے کوڑا کرکٹ پھینکا جاتا ہے ۔