یا پھر آسمانوں اور زمین اور ان کے د رمیان ہر چیز کی بادشاہت ان کے قبضے میں ہے ؟ ( ٤ ) پھر تو انہیں چاہیے کہ رسیاں تان کر اوپر چڑھ جائیں ۔ ( ٥ )

کیا ان کے لیے ہے سلطنت آسمانوں اور زمین کی اور جو کچھ ان کے درمیان ہے ، تو رسیاں لٹکا کر چڑھ نہ جائیں ( ف۱٦ )

کیا یہ آسمان و زمین اور ان کے درمیان کی چیزوں کے مالک ہیں؟ اچھا تو یہ عالم اسباب کی بلندیوں پر چڑھ کر دیکھیں ! 11

یا اُن کے پاس آسمانوں اور زمین کی اور جو کچھ اِن دونوں کے درمیان ہے اس کی بادشاہت ہے؟ ( اگر ہے ) تو انہیں چاہئے کہ رسّیاں باندھ کر ( آسمان پر ) چڑھ جائیں

سورة صٓ حاشیہ نمبر :11 یہ کفار کے اس قول کا جواب ہے کہ کیا ہمارے درمیان بس یہی ایک شخص رہ گیا تھا جس پر اللہ کا ذکر نازل کردیا گیا ۔ اس پر اللہ تعالیٰ فرما رہا ہے کہ نبی ہم کس کو بنائیں اور کسے نہ بنائیں ، اس کا فیصلہ کرنا ہمارا اپنا کام ہے ۔ یہ لوگ آخر کب سے اس فیصلے کے مختار ہو گئے ۔ اگر یہ اس کے مختار بننا چاہتے ہیں تو کائنات کی فرمانروائی کے منصب پر قبضہ کرنے کے لیے عرش پر پہنچنے کی کوشش کریں تاکہ جسے یہ اپنی رحمت کا مستحق سمجھیں اس پر وہ نازل نہ ہو ۔ یہ مضمون متعدد مقامات پر قرآن مجید میں بیان ہوا ہے ، کیونکہ کفار قریش بار بار کہتے تھے کہ یہ محمد ( صلی اللہ علیہ وسلم ) کیسے نبی بن گئے ، کیا خدا کو قریش کے بڑے بڑے سرداروں میں سے کوئی اس کام کے لیے نہ ملا تھا ( ملاحظہ ہو سورہ بنی اسرائیل ، آیت 100 ۔ الزخرف ، آیات 31 ۔ 32 )