کہو کہ : ’’ سفارش تو ساری کی ساری اللہ ہی کے اختیار میں ہے ۔ اسی کے قبضے میں آسمانوں اور زمین کی بادشاہی ہے ، پھر اسی کی طرف تمہیں لوٹایا جائے گا ۔

تم فرماؤ شفاعت تو سب اللہ کے ہاتھ میں ہے ( ف۱۰۵ ) اسی کے لیے ہے آسمانوں اور زمین کی بادشاہی ، پھر تمہیں اسی کی طرف پلٹنا ہے ( ف۱۰٦ )

کہو شفاعت ساری کی ساری اللہ کے اختیار میں ہے 63 ۔ آسمانوں اور زمین کی بادشاہی کا وہی مالک ہے ۔ پھر اسی کی طرف تم پلٹائے جانے والے ہو ۔

فرما دیجئے: سب شفاعت ( کا اِذن ) اللہ ہی کے اختیار میں ہے ( جو اس نے اپنے مقرّبین کے لئے مخصوص کر رکھا ہے ) ، آسمانوں اور زمین کی سلطنت بھی اسی کی ہے ، پھر تم اسی کی طرف لوٹائے جاؤ گے

سورة الزُّمَر حاشیہ نمبر :63 یعنی کسی کا یہ زور نہیں ہے کہ اللہ تعالیٰ کے حضور میں خود سفارشی بن کر اٹھ ہی سکے ، کجا کہ اپنی سفارش منوا لینے کی طاقت بھی اس میں ہو ۔ یہ بات تو بالکل اللہ کے اختیار میں ہے کہ جسے چاہے سفارش کی اجازت دے اور جسے چاہے نہ دے ۔ اور جس کے حق میں چاہے کسی کو سفارش کرنے دے اور جس کے حق میں چاہے نہ کرنے دے ۔ ( شفاعت کے اسلامی عقیدے اور مشرکانہ عقیدے کا فرق سمجھنے کے لیے حسب ذیل مقامات ملاحظہ ہوں : تفہیم القرآن جلد اوّل ، ص 194 ۔ 543 ۔ جلد دوم ۔ صفحات 262 ۔ 275 ۔ 276 ۔ 356 ۔ 368 ۔ 449 ۔ 556 ۔ 557 ۔ 562 ۔ جلد سوم ، صفحات 126 ۔ 127 ۔ 155 ۔ 156 ۔ 252 ۔ جلد چہارم ، السّبا ، حاشیہ 40 ) ۔