جو زکوٰۃ ادا نہیں کرتے ( 1 ) ان کا حال یہ ہے کہ آخرت کے وہ بالکل ہی منکر ہیں

وہ جو زکوٰة نہیں دیتے ( ف۱۵ ) اور وہ آخرت کے منکر ہیں ( ف۱٦ )

جو زکوٰۃ نہیں دیتے 9 اور آخرت کے منکر ہیں ۔

جو زکوٰۃ ادا نہیں کرتے اور وہی تو آخرت کے بھی منکر ہیں

سورة حٰمٓ السَّجْدَة حاشیہ نمبر :9 یہاں زکوٰۃ کے معنی میں مفسرین کے درمیان اختلاف ہے ۔ ابن عباس اور ان کے جلیل القدر شاگرد عکرمہ اور مجاہد کہتے ہیں کہ اس مقام پر زکوٰۃ سے مراد وہ پاکیزگی نفس ہے جو توحید کے عقیدے اور اللہ کی اطاعت سے حاصل ہوتی ہے ۔ اس تفسیر کے لحاظ سے آیت کا ترجمہ یہ ہو گا کہ تباہی ہے ان مشرکین کے لیے جو پاکیزگی اختیار نہیں کرتے ۔ دوسرا گروہ جس میں قتادہ ، سُدی ، حسن بصری ، ضحاک ، مُقاتل اور ابن السائب جیسے مفسرین شامل ہیں ، اس لفظ کو یہاں بھی زکوٰۃ مال ہی کے معنی میں لیتا ہے ۔ اس تفسیر کے لحاظ سے آیت کا مطلب یہ ہے کہ تباہی ہے ان لوگوں کے لیے جو شرک کر کے خدا کا اور زکوٰۃ نہ دے کر بندوں کا حق مارتے ہیں ۔