وہی آسمانوں اور زمین کی کُنجیوں کا مالک ہے ( یعنی جس کے لئے وہ چاہے خزانے کھول دیتا ہے ) وہ جس کے لئے چاہتا ہے رِزق و عطا کشادہ فرما دیتا ہے اور ( جس کے لئے چاہتا ہے ) تنگ کر دیتا ہے ۔ بیشک وہ ہر چیز کا خوب جاننے والا ہے
سورة الشُّوْرٰی حاشیہ نمبر :19
یہ دلائل ہیں اس امر کے کہ صرف اللہ تعالیٰ ہی کیوں ولی برحق ہے ، اور کیوں اسی پر توکل کرنا صحیح ہے اور کیوں اسی کی طرف رجوع کیا جانا چاہیے ( تشریح کے لیے ملاحظہ ہو تفہیم القرآن جلد سوم ، النمل ، حواشی ۷۳تا۸۳ ، الروم ، حواشی ۲۵ تا ۳۱ )
