And for all there are degrees [of reward and punishment] for what they have done, and [it is] so that He may fully compensate them for their deeds, and they will not be wronged.
اور ہر ایک ( گروہ ) کے اپنے اعمال کی وجہ سے مختلف درجے ہیں ، اور اس لیے ہیں تاکہ اللہ ان کو ان کے اعمال کا پورا پورا بدلہ دے ۔ اور ان پر کوئی ظلم نہیں ہوگا ۔
اور سب کے لئے ان ( نیک و بد ) اعمال کی وجہ سے جو انہوں نے کئے ( جنت و دوزخ میں الگ الگ ) درجات مقرر ہیں تاکہ ( اﷲ ) ان کو ان کے اعمال کا پورا پورا بدلہ دے اور ان پر کوئی ظلم نہیں کیا جائے گا
سورة الْاَحْقَاف حاشیہ نمبر :23
یعنی نہ اچھے لوگوں کی نیکیاں اور قربانیاں ضائع ہوں گی اور نہ برے لوگوں کو ان کی برائی سے بڑھ کر سزا دی جائے گی ۔ نیک آدمی اگر اپنے اجر سے محروم رہ جائے ، یا اپنے حقیقی استحقاق سے کم اجر پائے تو یہ بھی ظلم ہے ، اور برا آدمی اپنے کیے کی سزا نہ پائے یا جتنا کچھ قصور اس نے کیا ہے اس سے زیادہ سزا پائے تو یہ بھی ظلم ہے ۔
