Quran - Al-Qamar - القمر - Ayat 2 Alfaaz Community

Al-Qamar - القمر

The Moon

<< Previous ayat

Next ayat >>

وَاِنۡ يَّرَوۡا اٰيَةً يُّعۡرِضُوۡا وَيَقُوۡلُوۡا سِحۡرٌ مُّسۡتَمِرٌّ‏ ﴿2﴾

یہ اگر کوئی معجزہ دیکھتے ہیں تو منہ پھیر لیتے ہیں اور کہہ دیتے ہیں کہ یہ پہلے سے چلا آتا ہوا جادو ہے ۔

English translation

And if they see a miracle, they turn away and say, "Passing magic."

Roman urdu

Yeh agar koi mojzza dekhtay hain to mun pher letay hain aur kehdetay hain. kay yeh pehlay say chala aata hua jadoo hai.

Translation Taqi Usmani

اور ان لوگوں کا حال یہ ہے کہ اگر وہ کوئی نشانی دیکھتے ہیں تو منہ موڑ لیتے ہیں ، اور کہتے ہیں کہ یہ تو ایک چلتا ہوا جادو ہے ۔ ( ٢ )

Translation Kanzul Iman

اور اگر دیکھیں ( ف٤ ) کوئی نشانی تو منہ پھیرتے ( ف۵ ) اور کہتے ہیں یہ تو جادو ہے چلا آتا ،

Translation Abul A'la Maududi

مگر ان لوگوں کا حال یہ ہے کہ خواہ کوئی نشانی دیکھ لیں منہ موڑ جاتے ہیں اور کہتے ہیں یہ تو چلتا ہوا جادو ہے 2 ۔

Translation Tahir ul Qadri

اور اگر وہ ( کفّار ) کوئی نشانی ( یعنی معجزہ ) دیکھتے ہیں تو مُنہ پھیر لیتے ہیں اور کہتے ہیں کہ ( یہ تو ) ہمیشہ سے چلا آنے والا طاقتور جادو ہے

سورة الْقَمَر حاشیہ نمبر :2 اصل الفاظ ہیں سِحْرٌ مُّسْتَمِرٌّ ۔ اس کے کئی مطلب ہو سکتے ہیں ۔ ایک یہ کہ معاذاللہ ، شب و روز کی جادوگری کا جو سلسلہ محمد صلی اللہ علیہ وسلم نے چلا رکھا ہے ، یہ جادو بھی اسی میں سے ہے ۔ دوسرے یہ کہ یہ پکا جادو ہے ، بڑی مہارت سے دکھا یا گیا ہے ۔ تیسرے یہ کہ جس طرح اور جادو گزر گئے ہیں ، یہ بھی گزر جائے گا ، اس کا کوئی دیر پا اثر رہنے والا نہیں ہے ۔