Surah

Information

Surah # 56 | Verses: 96 | Ruku: 3 | Sajdah: 0 | Chronological # 46 | Classification: Makkan
Revelation location & period: Middle Makkah phase (618 - 620 AD). Except 81 and 82, from Madina
لَيۡسَ لِـوَقۡعَتِهَا كَاذِبَةٌ‌ ۘ‏ ﴿2﴾
جس کے واقع ہونے میں کوئی جھوٹ نہیں ۔
ليس لوقعتها كا ذبة
There is, at its occurrence, no denial.
Jiss kay waqaye honay mein koi jhoot nahi.
تو اس کے پیش آنے کو کوئی جھٹلانے والا نہیں ہوگا ۔
اس وقت اس کے ہونے میں کسی کو انکار کی گنجائش نہ ہوگی ،
تو کوئی اس کے وقوع کو جھٹلانے والا نہ1 ہوگا ۔
اُس کے واقع ہونے میں کوئی جھوٹ نہیں ہے
سورة الْوَاقِعَة حاشیہ نمبر :1 اس فقرے سے کلام کا آغاز خود یہ ظاہر کر رہا ہے کہ یہ ان باتوں کا جواب ہے جو اس وقت کفار کی مجلسوں میں قیامت کے خلاف بنائی جا رہی تھیں ۔ زمانہ وہ تھا جب مکہ کے لوگ رسول اللہ صلی اللہ علیہ وسلم کی زبان مبارک سے نئی نئی اسلام کی دعوت سن رہے تھے ۔ اس میں جو چیز انہیں سب سے زیادہ عجیب اور بعید از عقل و امکان نظر آتی تھی وہ یہ تھی کہ ایک روز زمین و آسمان کا یہ سارا نظام درہم برہم ہو جائے گا اور پھر ایک دوسرا عالم برپا ہوگا جس میں سب اگلے پچھلے مرے ہوئے لوگ دوبارہ زندہ کیے جائیں گے ۔ یہ بات سن کر حیرت سے ان کے دیدے پھٹے کے پھٹے رہ جاتے تھے ۔ وہ کہتے تھے کہ ایسا ہونا بالکل ناممکن ہے ۔ آخر یہ زمین ، یہ پہاڑ ، یہ سمندر ، یہ چاند ، یہ سورج کہاں چلے جائیں گے؟ صدیوں کے گڑے مردے کیسے جی اٹھیں گے؟ مرنے کے بعد دوسری زندگی ، اور پھر اس میں بہشت کے باغ اور جہنم کی آگ ، آخر یہ خواب و خیال کی باتیں عقل و ہوش رکھتے ہوئے ہم کیسے مان لیں؟ یہی چہ میگوئیاں اس وقت مکہ میں ہر جگہ ہو رہی تھیں ۔ اس پس منظر میں فرمایا گیا ہے کہ جب وہ ہونے والا واقعہ پیش آ جائے گا اس وقت کوئی اسے جھٹلانے والا نہ ہو گا ۔ اس ارشاد میں قیامت کے لیے واقعہ کا لفظ استعمال کیا گیا ہے جس کے معنی قریب قریب وہی ہیں جس کے لیے اردو زبان میں ہونی شدنی کے الفاظ بولے جاتے ہیں ، یعنی وہ ایسی چیز ہے جسے لازماً پیش آ کر ہی رہنا ہے ۔ پھر اس کے پیش آنے کو وَقْعَۃ کہا گیا ہے جو عربی زبان میں کسی بڑے حادثہ کے اچانک برپا ہو جانے کے لیے استعمال ہوتا ہے ۔ لَیْسَ لِوَقْعَتِھَا کَاذِبَۃٌ کے دو معنی ہو سکتے ہیں ۔ ایک یہ کہ اس کے وقوع کا ٹل جانا اور اس کا آتے آتے رک جانا اور اس کی آمد کا پھیر دیا جانا ممکن نہ ہو گا ، یا بالفاظ دیگر کوئی طاقت پھر اس کو واقعہ سے غیر واقعہ بنا دینے والی نہ ہو گی ۔ دوسرے یہ کہ کوئی متنفس اس وقت یہ جھوٹ بولنے والا نہ ہو گا کہ وہ واقعہ پیش نہیں آیا ہے ۔