سورة النَّبَا حاشیہ نمبر :21
قرآن مجید میں متعدد مقامات پر اس بات کو جنت کی بڑی نعمتوں میں شمار کیا گیا ہے کہ آدمی کے کان وہاں بیہودہ اور جھوٹی اور گندی باتیں سننے سے محفوظ رہیں گے ۔ وہاں کوئی یاوہ گوئی اور فضول گپ بازی نہ ہو گی ، کوئی کسی سے نہ جھوٹ بولے گا نہ کسی کو جھٹلائے گا ، دنیا میں گالم گلوچ ، بہتان ، افترا ، تہمت اور الزام تراشیوں کا جو طوفان برپا ہے اس کا کوئی نام و نشان نہ ہو گا ( مزید تشریح کے لیے ملاحظہ ہو تفہیم القرآن ، جلد سوم ، مریم حاشیہ 38 ۔ جلد پنجم ، الواقعہ ، حواشی 13 ۔ 14 ) ۔