سورة العلق حاشیہ نمبر : 16
سجدہ کرنے سے مراد نماز ہے ۔ یعنی اے نبی ، تم بے خوف اسی طرح نماز پڑھتے رہو جس طرح پڑھتے رہے ہو ، اور اس کے ذریعہ سے اپنے رب کا قرب حاصل کرو ۔ صحیح مسلم وغیرہ میں حضرت ابو ہریرہ کی روایت ہے کہ بندہ سب سے زیادہ اپنے رب سے اس وقت قریب ہوتا ہے جب وہ سجدہ میں ہوتا ہے اور مسلم میں حضرت ابو ہریرہ کی یہ روایت بھی آئی ہے کہ جب رسول اللہ صلی اللہ علیہ وسلم یہ آیت پڑھتے تھے تو سجدہ تلاوت ادا فرماتے تھے ۔
