سورة الشُّعَرَآء حاشیہ نمبر :51
حضرت ابراہیم علیہ السلام کے اس سوال کا مدعا یہ معلوم کرنا نہ تھا کہ وہ کن چیزوں کی عبادت کرتے ہیں ، کیونکہ ان بتوں کو تو وہ خود بھی دیکھ رہے تھے جن کی پرستش وہاں ہوتی تھی ۔ ان کا مدعا دراصل ان لوگوں کو اس طرف متوجہ کرنا تھا کہ ان معبودوں کی حقیقت کیا ہے جن کے آگے وہ سجدہ ریز ہوتے ہیں ۔ اسی سوال کو سورہ انبیاء میں بایں الفاظ نقل کیا گیا ہے ۔
یہ کیسی مورتیں ہیں جن کے تم گرویدہ ہو رہے ہو ؟
