سورة الْفَجْر حاشیہ نمبر :10
یعنی عزت اور ذلت کا معیار ہرگز نہیں ہے ۔ تم سخت غلط فہمی میں مبتلا ہو کہ اخلاق کی بھلائی اور برائی کے بجائے تم نے اسے معیار عزت و ذلت بنا رکھا ہے ۔
سورة الْفَجْر حاشیہ نمبر :11
یعنی جب تک اس کا باپ زندہ رہتا ہے ، اس کے ساتھ تمہارا برتاؤ کچھ اور ہوتا ہے اور جب اس کا باپ مرجاتا ہے تو ہمساٍئے اور دور کے رشتہ دار تو درکنار چچا ماموں اور بڑے بھائی تک اس سے آنکھیں پھیر لیتے ہیں ۔
